Is i an aidhm a chuireas romham sa tráchtas seo ná stair agus forbairt na drámaíochta Gaeilge sa tir seo a ríomhadh agus a mheas. On staidéar atá déanta agam ar dhrámaíocht na Gaeilge is féidir liom a rá nár tugadh aitheantas ceart di go fóill agus gur beag léirmheastóireacht atá déanta uirthi dá bharr sin. "Genre" beo is ea an drámaíochta ach ni bhionn beocht ar bith aici ar pháipéar; tá gà le léirmheastóireacht ionraic, thar chnàmha, "thaitin sé liom", "nior thaitin sé liom" atá le fáil sa ghnáthléirmheas faoi làthair. Agus an tráchtas seo á scríobh agam rinne mé iarracht freastal go pearsanta ar gach gné den "genre”, ag léamh agus ag stáidéar, ag aisteoireacht, ag léiriú agus ag féachaint ar dhrámaí Gaeilge agus Béarla ar an stáitse. Níor fhead mé an tráchtas seo a scríobh gan an taithi phraiticiúil seo ar an "genre" a fháil. Ba mhian liom a rá chomh maith go bhfuil go leor gnéithe de "genre" na drámaíochta Gaeilge nach raibh ar mo chumas pié a dhéanamh orthu anseo, an folk play nó dráma tuata, drámadóirí, aisteoirí agus léiritheoirí áirithe, na féilte drámaíochta ar fud na tíre agus ábhar na ndrámaí. Ach obair do lá eile é seo agus tá súil agam go dtiocfaidh le saoithe na drámaíochta Gaeilge amach anseo an obair seo go léir a dhéanamh.