Cuireadh an CS i gelò in 1899 chun ábhar léitheoireachta a sholáthar do ghnáthphobal na Gaeilge. Thuig Conradh na Gaeilge an géarghá a bhain le huirlis chumarsáide dá gcuid féin a bheith acu a bheadh mar shuaitheantas na Gluaiseachta Gaeilge. B’éard a bhí sa nuachtán go bunúsach ná guth poiblí Chonradh na Gaeilge ó 1899-1932 ach toisc na tréimhse inar cuireadh i gelò é, fágadh cáipéis staire a bheadh mar fhoinse bhunaidh staire, litríochta agus teanga do léitheoirí an lae inniu. Is ag féachaint siar ar imeachtaí teanga, eachtraí staire agus ar ghluaiseachtaí litríochta na tréimhse seo a fheicimid an tábhacht a bhain leis an nuachtán sa tslí gur fágadh i bhfad níos mó ná uirlis chumarsáide Chonradh na Gaeilge do léitheoir an lae inniu. Mar sin déantar iarracht sa tráchtas seo an CS a mheas in dhá tréimhse a)an tréimhse inar cuireadh i geló é agus b) sa lá atá inniu ann a bhfeictear torthaí na tréimhse inar cuireadh i geló é.